Ceannard Oighreachdan

Tha Sabhal Mòr Ostaig – an t-Ionad Nàiseanta airson Cànan is Cultar na Gàidhlig ann an Slèite an Eilein Sgitheanaich – a’ sireadh Ceannard Oighreachdan ùr.

Bidh an Ceannard Oighreachdan ag aithris ris an Stiùiriche Leasachaidh agus a’ com-pàirteachadh gu dlùth le measgachadh de cho-obraichean is buidhnean ùidh airson ro-innleachd nan oighreachdan a leasachadh is a chur an sàs agus dearbhadh gun cùm sinn ri laghan is riaghailtean Slàinte is Sàbhailteachd.

Tha sinn a’ sireadh tagraiche aig a bheil eòlas-obrach dearbhte de cheannardas ro-innleachdail a bhios na stiùir airson sàr sheirbheisean èifeachdach a lìbhrigeadh do na h-oileanach is luchd-obrach againn.

Gheibheadh tu cothrom, mar bhall Sgioba Stiùiridh na Colaiste, buaidh mhòr a thoirt air slighe, ro-innleachd is amasan fad-ùine na Colaiste gus am freagair sinn ri feuman gnìomhachais an latha an-diugh agus an latha ri teachd.