Stiùiriche an Ionmhais / Director of Finance

’S e Sabhal Mòr Ostaig an t-Ionad Nàiseanta airson Cànan is Cultar na Gàidhlig ann an Slèite an Eilein Sgitheanaich. Tha sinn an dèidh an 50mh ceann-bliadhna againn a chomharrachadh o chionn ghoirid agus bu toil leinn a-nise Stiùiriche Ionmhais fhastadh as urrainn obair chudromach a dhèanamh cuide rinn a’ leasachadh Shabhal Mòr Ostaig.

Mar Stiùiriche Ionmhais bidh thu ag aithris dhan Phrionnsapal is nad bhall den Sgioba Stiùiridh agus a’ toirt seachad stiùireadh ro-innleachdail is ceannardas do na sgiobannan Ionmhais, Aoigheachd is IT is tu cuideachd a’ toirt comhairle don Phrionnsapal, don Bhòrd is do cho-obraichean air feadh na Colaiste.

Bu toil leinn stiùiriche fhastadh aig a bheil sgilean ceannardais agus a tha geur-chùiseach a thaobh ionmhais agus a tha làidir gu teicnigeach, agus as urrainn obrachadh aig ìrean ro-innleachdail is gnìomhach. Bhiodh eòlas-obrach ionmhais ann am foghlam àrd-ìre no leantainneach na bhuannachd ach gabhaidh sinn ri iarrtasan bho thaobh a-muigh na roinn seo cuideachd.

Bhiodh e na bhuannachd nam biodh tu fileanta sa Ghàidhlig no nad neach-ionnsachaidh aig ìre àrd ach bidh cothroman ionnsachaidh ann don tagraiche cheart.

Mura h-eil thu cinnteach a bheil thu a’ coileanadh riatanasan na h-obrach no nam bu toil leat bruidhinn mun dreuchd ann am barrachd doimhneachd, nach cuir thu fios do Phrionnsapal na Colaiste, Dr. Gillian Rothach, airson còmhradh neo-fhoirmeil a chur air dòigh air 01471 888200 no post-d prionnsapal@smo.uhi.ac.uk

————————————————————————————

Sabhal Mòr Ostaig is the National Centre for Gaelic Language and Culture based in Sleat on the Isle of Skye.  We have just celebrated our 50th anniversary year and are looking to appoint a Director of Finance who can help play an important role in the future development of the Sabhal Mòr Ostaig.

Reporting to the Principal, the Director of Finance is part of the Executive Team and will provide strategic direction and leadership to the Finance, Hospitality and IT teams, whilst advising the Principal, the Board and senior colleagues across the organisation.

We are looking for an influential leader who is financially astute and technically strong, with the ability to operate at both a strategic and operational level.  Whilst experience of finance within the higher or further education sector is preferable, we will consider applications from those outside of this sector.

Ideally you will be a fluent or advanced Gaelic speaker although opportunities for language learning will be provided for the right candidate.

If you are unsure whether you meet the required criteria or if you would like to discuss the role in more detail, please contact the Principal, Dr Gillian Munro for an informal discussion on 01471 888200 or email prionnsapal@smo.uhi.ac.uk